ఈ సందర్భంగా బాలికలు, మహిళలపై జరుగుతున్న నేరాలు, వాటి నివారణకు తీసుకోవాల్సిన జాగ్రత్తలు, చట్టపరమైన రక్షణలు వంటి అంశాలపై వివరంగా అవగాహన కల్పించారు. ముఖ్యంగా సైబర్ నేరాలు, బాల్య వివాహాలు, లైంగిక వేధింపులు, సోషల్ మీడియా దుర్వినియోగం వంటి అంశాలపై విద్యార్థినులకు స్పష్టమైన సూచనలు ఇచ్చారు.
అదనంగా, ఫ్లాష్ మాబ్ వీడియోలు మరియు మహిళా భద్రతపై రూపొందించిన ప్రత్యేక అవగాహన వీడియోలను ప్రొజెక్టర్ ద్వారా ప్రదర్శించారు. వీడియోల ద్వారా మహిళల ఆత్మరక్షణ పద్ధతులు, అత్యవసర సమయంలో స్పందించాల్సిన విధానం, పోలీస్ హెల్ప్లైన్ నంబర్ల వినియోగం వంటి విషయాలను వివరించారు.
విద్యార్థినులు చురుకుగా పాల్గొని తమ సందేహాలను నివృత్తి చేసుకున్నారు. ఈ తరహా కార్యక్రమాలు బాలికల్లో ఆత్మవిశ్వాసాన్ని పెంపొందించడమే కాకుండా, సమాజంలో మహిళల భద్రతపై అవగాహన పెంపొందించడానికి దోహదపడతాయని అధికారులు పేర్కొన్నారు.
పాఠశాల యాజమాన్యం పోలీసు శాఖకు కృతజ్ఞతలు తెలిపింది. మహిళా సాధికారత దిశగా ఇటువంటి కార్యక్రమాలు నిరంతరం కొనసాగుతాయని ఎస్ఐ వెల్లడించారు.