సమాజానికి సంబంధించిన మౌలిక వసతులు, ఆధ్యాత్మిక కేంద్రాల అభివృద్ధి, పర్యాటక అవకాశాల పెంపు వంటి అంశాలపై ప్రత్యేక దృష్టి సారించాలని కోరారు. ఈ సందర్భంగా వీరశైవుల ప్రధాన డిమాండ్లను వివరంగా తెలియజేశారు.
ఉరవకొండ పట్టణంలోని వీరశైవ రుద్రభూమి అభివృద్ధికి ప్రాధాన్యత ఇవ్వాలని, అక్కడ చుట్టూ కాంపౌండ్ వాల్ నిర్మించి విద్యుత్ సౌకర్యం కల్పించాలని విజ్ఞప్తి చేశారు. సమాజ అవసరాల కోసం వీరశైవ కళ్యాణమండపం అభివృద్ధికి రూ.50 లక్షల నిధులు కేటాయించాలని కోరారు.
శ్రీ కరిబసవ రాజేంద్ర స్వామి రథోత్సవం నిర్వహణకు అనుకూలంగా శాశ్వత షెడ్డును నిర్మించాలని, అనంతపూర్ హైవే నుంచి పట్టణంలోకి ప్రవేశించే చోట కరిబసవ స్వామి మఠం గుర్తుగా భారీ ముఖద్వారం ఏర్పాటు చేయాలని ప్రతిపాదించారు.
చారిత్రక గవి మఠాన్ని పర్యాటక కేంద్రంగా అభివృద్ధి చేసి, యాత్రికులకు గదులు, ధ్యాన కేంద్రం వంటి మౌలిక సదుపాయాలు కల్పించాలని సూచించారు. గవి మఠం నుంచి ఎదురు బసవన్న గుడి వరకు 40 అడుగుల సీసీ రహదారి నిర్మించి, రహదారికి ఇరువైపులా మొక్కలు నాటాలని కోరారు.
గుంతకల్ రోడ్డులో బసవేశ్వర విగ్రహం ఏర్పాటు కోసం స్థలాన్ని కేటాయించి, ఆ ప్రాంతానికి “బసవేశ్వర్ సర్కిల్”గా నామకరణం చేయాలని విజ్ఞప్తి చేశారు. అలాగే రాష్ట్రవ్యాప్తంగా ఉన్న వీరశైవుల ప్రధాన డిమాండ్ అయిన ఓబీసీ హోదా కల్పించేలా అసెంబ్లీలో తీర్మానం చేయాలని ముఖ్యమంత్రిని కోరారు.
ఈ కార్యక్రమంలో పాటిల్ నిరంజన్ గౌడ్, బొజ్జప్ప, చంద్రమౌళి, మఠం వీరేష్, జయప్ప, బసవరాజు, రామ్మోహన్, డిష్ మల్లికార్జున, తిప్పేస్వామి, సుధాకర్ రెడ్డి, దేశాయ్ వీరేష్, ఏరి స్వామి, నీలకంఠ, జంగం సంక్షేమ సంఘం నాయకుడు బండయ్య తదితరులు పాల్గొన్నారు.