కాంట్రాక్ట్ జూనియర్ లెక్చరర్ల రెగ్యులరైజేషన్ పై కీలక పరిణామాలు -ప్రధాన కార్యదర్శి చిరంజీవి చౌదరితో రాష్ట్ర జేఏసీ భేటీ: -'Act 30' అమలు, కాలపరిమితిపై చర్చ
'Act 30', G.O. 114, మరియు ఆపరేషనల్ గైడ్లైన్స్ రూపకల్పనలో కీలక పాత్ర వహించిన చిరంజీవి చౌదరి గారిని కలిసి, రెగ్యులరైజేషన్ ప్రక్రియ ప్రస్తుత స్థితిపై జేఏసీ ప్రతినిధులు చర్చించారు.
రెగ్యులరైజేషన్ పురోగతిపై ఆరా
జేఏసీ ప్రతినిధులను చూసిన వెంటనే చిరంజీవి చౌదరి "కాంట్రాక్ట్ లెక్చరర్ల రెగ్యులరైజేషన్ విషయంలో పురోగతి ఉందా?" అని ప్రశ్నించినట్లు జేఏసీ ముఖ్యులు తెలిపారు.
ప్రస్తుత పరిస్థితి: అడ్వకేట్ జనరల్ (AG) గారి నుండి న్యాయ సలహా రిపోర్ట్ అందిన విషయాన్ని జేఏసీ బృందం ప్రిన్సిపల్ సెక్రటరీ దృష్టికి తీసుకెళ్లారు.
Act 30పై వివరణ: Act 30 నిబంధనలపై చర్చ సందర్భంగా, దాని కాలపరిమితి గురించి చిరంజీవి చౌదరి క్లారిటీ ఇచ్చారు. ఈ చట్టానికి అక్టోబర్ 2026 వరకు మాత్రమే చట్టబద్ధత ఉంటుందని, మూడేళ్ల తర్వాత ఇది చెల్లుబాటు కాదని ఆయన స్పష్టం చేశారు. అయితే, రెగ్యులరైజేషన్ ప్రక్రియ జరుగుతున్న సమయంలో, కాలపరిమితి పూర్తయితే, Act 30ను సవరించి మరో సంవత్సరం పాటు గడువు పెంచుకునే వెసులుబాటు ప్రభుత్వానికి ఉందని ఆయన తెలిపారు.
జేఏసీకి సలహా: ఇప్పటికే ఈ విషయంలో ఆలస్యం అయినందున, ప్రభుత్వ పెద్దలతో తక్షణమే ప్రాతినిధ్యం చేసుకొని ముందుకు వెళ్లాలని ఆయన జేఏసీ బృందానికి సూచించారు.
ఇతర అంశాలు, సన్మానం
జేఏసీ ప్రతినిధులు పెండింగ్లో ఉన్న తమ జీతాల (శాలరీ) విషయంతో పాటు మరికొన్ని ముఖ్య విషయాలను ప్రిన్సిపల్ సెక్రటరీ దృష్టికి తీసుకెళ్లి, విలువైన సలహాలు, సూచనలు తీసుకున్నారు. దాదాపు అరగంట సమయం కేటాయించి, తమ సందేహాలను నివృత్తి చేసినందుకు చిరంజీవి చౌదరి గారికి జేఏసీ ధన్యవాదాలు తెలిపింది.
అనంతరం, శాఖ మారినా తమను గుర్తుపెట్టుకుని వచ్చి సన్మానించడంపై చిరంజీవి చౌదరి గారు సంతోషం వ్యక్తం చేశారు మరియు వారికి ధన్యవాదాలు తెలిపారు. జేఏసీ ముఖ్యులు ఆయనను శాలువా, వెంకటేశ్వర స్వామి చిత్రపటంతో సన్మానించారు.
ఈ సమావేశంలో రాష్ట్ర జేఏసీ ముఖ్యులు దీప, మన్సూర్ అలీ, డానియల్ పాల్గొన్నారు
Comments
Post a Comment