TRUE TIMES INDIA

రేణిగుంట, తిరుపతి జిల్లా: రేణిగుంట మండలం గాజులమడ్యం పోలీస్‌స్టేషన్ పరిధిలోని గువ్వల కాలనీలో మైనర్ బాలుడిని కత్తితో దారుణంగా హత్య చేసిన ఘటన చోటు చేసుకుంది. మృతుడు శ్రీహరి (14) గా పోలీసులు గుర్తించారు. స్థానిక టిఫిన్ దుకాణం వద్ద జరిగిన ఈ ఘటనతో ప్రాంతంలో తీవ్ర ఆందోళన నెలకొంది. పోలీసుల సమాచారం ప్రకారం, మేస్త్రిగా పనిచేస్తున్న ఓ వ్యక్తి మద్యం మత్తులో ఉండగా శ్రీహరి తన వైపు చూసి నవ్వాడని కోపంతో ఆ బాలుడిపై దాడి చేశాడు. కోపావేశంతో మెడ, గుండెపై కత్తితో పొడిచి శ్రీహరిని రక్తమోడేలా చేశాడు. స్థానికులు తీవ్ర గాయాలతో ఉన్న బాలుడిని వెంటనే రుయా ఆసుపత్రికి తరలించగా, చికిత్స పొందుతూ కొద్ది సేపటికే మరణించాడు. సూచన అందుకున్న గాజులమడ్యం పోలీసులు, ఫోరెన్సిక్ బృందం సంఘటన స్థలానికి చేరుకుని పరిశీలించారు. మృతుడి తండ్రి గిరి ఇచ్చిన ఫిర్యాదు మేరకు కేసు నమోదు చేసి దర్యాప్తు ప్రారంభించారు.

తిరుపతి:ఆంధ్రప్రదేశ్ ప్రభుత్వంలో కొత్త వివాదం రేకెత్తింది. తిరుపతి కేంద్రంలో GST అసిస్టెంట్ కమిషనర్ సుభాష్ తన ఫేస్‌బుక్ అకౌంట్‌లో “అమరావతి మునిగిపోయింది” అని పోస్ట్ పెట్టిన కారణంగా రాష్ట్ర ప్రభుత్వం ఆయనను సస్పెండ్ చేసింది. పోస్ట్‌లో ఉద్యోగి అమరావతిలో మూడు రిజర్వాయర్లు ఎందుకు ఉన్నాయో, “అమరావతినే ఒక రిజర్వాయర్‌గా కడితే సరిపోలేదా?” అని ప్రశ్నిస్తూ, ఒకే ఒక్క వర్షం క్రమంలో అమరావతి జలమయం అయ్యిందంటూ వ్యాఖ్యానించాడు. ఏపీ ప్రభుత్వం తెలిపినట్లయితే, ఈ పోస్ట్ సర్వీస్ నిబంధనలను ఉల్లంఘించింది. ఫేస్‌బుక్, సోషల్ మీడియాలో వ్యక్తిగత అభిప్రాయాలను వ్యక్తం చేసేప్పుడు ఉద్యోగులు ప్రభుత్వ నియమాలను పాటించాల్సిన బాధ్యత ఉంటుందని అధికారులు స్పష్టం చేశారు. వీటిని బట్టి, సుభాష్‌పై తక్షణమే అనంతరం కార్యాచరణ తీసుకోవడం ద్వారా ప్రభుత్వ కార్యదర్శులు విధులకు కట్టుబడాలని, సర్వీస్ నిబంధనలకు గట్టిపట్టడం జరిగింది. వీడియో, ఫోటో, సోషల్ మీడియా పోస్ట్‌లు ద్వారా ప్రజా అభిప్రాయాలను వ్యక్తం చేయడంలో జాగ్రత్తలు పాటించవలసిన అవసరం ఉన్నదని ఈ ఘటన మరోసారి గుర్తు చేసింది. ఈ వివాదం రాజకీయ, సామాజిక వర్గాల్లో చర్చకు దారి తీస్తోంది.

 తిరుమల శ్రీవారి బ్రహ్మోత్సవాల కోసం టీటీడీ ప్రత్యేక ఏర్పాట్లు తిరుమల: శ్రీవారి వార్షిక బ్రహ్మోత్సవాలు సెప్టెంబర్ 24 నుంచి అక్టోబర్ 2 వరకు జరగనున్నాయి. ఈ సందర్భంగా టీటీడీ భక్తుల సౌకర్యార్థం విస్తృతమైన ఏర్పాట్లు పూర్తి చేసింది. భక్తులకు ప్రత్యేక వంటకాలు, దర్శన ఏర్పాట్లు ఈసారి భక్తులకు 16 రకాల వంటకాలు పంపిణీ చేయనుంది. మాడవీధుల్లో వేచి ఉండే భక్తులకు 45 నిమిషాల వ్యవధిలో 35 వేల మందికి దర్శనం కల్పించేలా రీఫిల్లింగ్ సిస్టమ్ ఏర్పాటు చేసింది. మాడ వీధుల బయట ఉన్న భక్తుల కోసం 36 ఎస్ఈడీ స్క్రీన్లు అమర్చారు. సామాన్యులకు ఇబ్బంది కలగకుండా ప్రివిలేజ్ దర్శనాలను రద్దు చేశారు. పుష్పాలు, సాంస్కృతిక ప్రదర్శనలు తొమ్మిది రోజుల ఉత్సవాల్లో రూ.3.5 కోట్ల విలువైన 60 టన్నుల పుష్పాలు వినియోగించనున్నారు. 229 కళాబృందాలు (29 రాష్ట్రాల నుంచి) సాంస్కృతిక ప్రదర్శనల్లో పాల్గొంటాయి. 3,500 మంది శ్రీవారి సేవకులు అందుబాటులో ఉంటారు. రవాణా, భద్రతా ఏర్పాట్లు కొండపై ప్రతి 4 నిమిషాలకోసారి టీటీడీ, ప్రభుత్వ బస్సుల ద్వారా యాత్రికులను తరలిస్తారు. ...

తిరుపతి :తిరుమల శ్రీవారి పరకామణిలో జరిగిన దొంగతనంపై వివాదం రోజు రోజుకీ తీవ్రరూపం దాలుస్తోంది. ఈ వ్యవహారంలో వైసీపీ మాజీ ఎమ్మెల్యే భూమన కరుణాకర్ రెడ్డి పాత్ర బయటపడుతుందని శాప్‌ (SHAP) ఛైర్మన్‌ రవినాయుడు సంచలన వ్యాఖ్యలు చేశారు. తిరుపతిలో నిర్వహించిన మీడియా సమావేశంలో రవినాయుడు మాట్లాడుతూ – “దొంగతనం చేసిన రవికుమార్‌ నుంచి చాలా మందికి ముడుపులు వెళ్లాయి. ముఖ్యంగా, భూమన కరుణాకర్ రెడ్డి కొన్ని స్థలాలు తన పేరు మీద రాయించుకున్నాడు. విజిలెన్స్‌ విచారణలో అన్నీ బయటపడతాయి.. భూమన ఎట్టి పరిస్థితుల్లోనూ తప్పించుకోలేడు. ఆయన మాట్లాడే మాటలు హాస్యాస్పదంగా ఉన్నాయి” అని మండిపడ్డారు. “స్వామి వారి సొమ్ము కాజేసి.. బయటకు వెళ్లి మాట్లాడుకొని సెటిల్‌మెంట్ చేసుకుంటే ప్రాయశ్చిత్తం అవుతుందా?” అని ప్రశ్నించారు. ఈ సందర్భంగా యాదవ కార్పొరేషన్‌ ఛైర్మన్‌ నరసింహయాదవ్‌ కూడా స్పందిస్తూ – “భూమన చెప్పేవన్నీ అబద్దాలే. పరకామణి దొంగతనంపై రవికుమార్‌ నుంచి భూమన ఎంత వసూలు చేశాడో భక్తుల ముందే చెప్పాలి. వైసీపీ హయాంలో ఈ కేసును సిట్టింగ్‌ జడ్జితో ఎందుకు విచారణ చేయించలేదు? చంద్రబాబు, లోకేశ్‌లను విమర్శించే నైతిక హక్కు భూమనకు లేదు” అని...

  డిసెంబర్ నెలకు సంబంధించి టీటీడీ విడుదల చేయు వివిధ దర్శనాల, గదుల కోటా వివరాలు ఈ విధంగా ఉన్నాయి. తిరుమ‌ల శ్రీ‌వారి ఆర్జిత సేవా టికెట్లకు సంబంధించిన డిసెంబర్ నెల కోటాను సెప్టెంబర్ 18న ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది. ఈ సేవా టికెట్ల ఎలక్ట్రానిక్ డిప్ కోసం సెప్టెంబర్ 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. అంగ ప్రదక్షిణ టోకెన్లను కూడా ఈ నెల నుండి ఆన్ లైన్ లో ఎలక్ట్రానిక్ డిప్ ద్వారా జారీ చేయనున్నారు. ఈ టికెట్లు పొందిన వారు సెప్టెంబర్ 20 నుండి 22వ తేదీ మధ్యాహ్నం 12 గంటల లోపు సొమ్ము చెల్లించిన వారికి లక్కీడిప్‌లో టికెట్లు మంజూరవుతాయి. 22న ఆర్జిత సేవా టికెట్ల విడుదల కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ టికెట్లను సెప్టెంబర్ 22న ఉదయం 10 గంటలకు టీటీడీ ఆన్ లైన్ లో విడుదల చేయ‌నుంది. 22న వర్చువల్ సేవల కోటా విడుదల వర్చువల్ సేవలు, వాటి దర్శన స్లాట్లకు సంబంధించిన కోటాను సెప్టెంబర్ 22న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయ‌నుంది. శ్రీవాణి దర్శన కోటా డిసెంబర్ నెలకు సంబంధించిన శ్రీవాణి ట్రస్టు దర్శన టికెట్ల కోటాను 23న ఉదయం...