ప్రపంచ ప్రఖ్యాత ఆధ్యాత్మిక గురువు భగవాన్ శ్రీ సత్యసాయి బాబా శత జయంతి ఉత్సవాలు పుట్టపర్తిలో అంగరంగ వైభవంగా జరుగుతున్నాయి. ఈ చారిత్రక వేడుకల్లో స్థానిక ఎమ్మెల్యే దగ్గుపాటి ప్రసాద్ పాల్గొన్నారు.
ప్రముఖుల రాక నేపథ్యంలో..
ప్రధానమంత్రి శ్రీ నరేంద్ర మోదీ, ముఖ్యమంత్రి శ్రీ ఎన్. చంద్రబాబు నాయుడు, ఉప ముఖ్యమంత్రి శ్రీ పవన్ కళ్యాణ్ మరియు మంత్రి శ్రీ నారా లోకేష్ వంటి కేంద్ర, రాష్ట్ర స్థాయి ప్రముఖులు ఈ వేడుకలకు హాజరైన నేపథ్యంలో, ఎమ్మెల్యే దగ్గుపాటి ప్రసాద్ సైతం పుట్టపర్తికి చేరుకున్నారు.
హిల్ వ్యూ స్టేడియంలో జరిగిన బాబా శత జయంతి మహోత్సవంలో ఆయన ఇతర కేంద్ర, రాష్ట్ర మంత్రులు, ప్రముఖులు, లక్షలాది మంది భక్తులతో కలిసి పాల్గొన్నారు.
సాయి సేవలకు హద్దులు లేవు
ఈ సందర్భంగా ఎమ్మెల్యే దగ్గుపాటి ప్రసాద్ మాట్లాడుతూ, సత్యసాయి బాబా శత జయంతి వేడుకల్లో పాల్గొనడం తనకెంతో అదృష్టంగా భావిస్తున్నట్లు పేర్కొన్నారు.
ఆ మహనీయులు చేపట్టిన సేవా కార్యక్రమాలకు ఎల్లలు లేవు. విద్య, వైద్యం, తాగునీరు వంటి రంగాలలో ఆయన చేసిన సేవలు ప్రపంచానికే మార్గదర్శకం" అని ఆయన కొనియాడారు.
"బాబా సమాజానికి సూచించిన సేవా మార్గం స్ఫూర్తిదాయకం. ఆయన బోధనలు మనందరికీ ఆదర్శనీయం" అని ఎమ్మెల్యే దగ్గుపాటి ప్రసాద్ ఈ సందర్భంగా వ్యాఖ్యానించారు. ఈ వేడుకలు లక్షలాది మంది భక్తులకు ఆధ్యాత్మిక అనుభూతిని పంచుతున్నాయి.