అనంతపురం జిల్లాకు చెందిన యువకుడు పృథ్వీరాజ్ కు ఎన్ఎస్ఎస్ వాలంటీర్ కేటగిరీలో “మై భారత్ అవార్డు 2022-23” ప్రతిష్టాత్మక అవార్డు దక్కింది. ఈ అవార్డును రాష్ట్రపతి ద్రౌపతి ముర్ము సోమవారం న్యూ ఢిల్లీలో ప్రత్యక్షంగా అందజేశారు.
నెల్లూరు విక్రమ సింహపురి యూనివర్సిటీలో చదువుతున్న పృథ్వీరాజ్, ఎన్ఎస్ఎస్ ద్వారా అనేక సేవా కార్యక్రమాలలో పాల్గొని, సామాజిక సేవలో చేసిన తన ప్రత్యేక కృషి ద్వారా ఈ గుర్తింపు పొందారు.
పృథ్వీరాజ్ తన సేవా కార్యక్రమాల్లో స్కూల్, కమ్యూనిటీ వర్క్, పర్యావరణ పరిరక్షణ వంటి రంగాల్లో చురుకుగా పాల్గొని, యువతకు ఒక ఆదర్శంగా నిలిచారు. స్థానికులు, కుటుంబ సభ్యులు ఈ గౌరవం పై అభినందనలు తెలియజేసి, అతడి భవిష్యత్తు కొనసాగింపులో ఘనవిజయాలు సాధిస్తారని ఆశించారు.