అనంత అభివృద్ధికి కూలీల పని చేస్తాం. ఆర్థిక మంత్రి పయ్యావుల కేశవ్

 ' 

ఉరవకొండ ట్రూ టైమ్స్ ఇండియా అక్టోబర్ 9:

సూపర్ జీఎస్టీ - సూపర్ సేవింగ్స్'పై అనంతపురంలో మంత్రి పయ్యావుల కేశవ్ క్షేత్రస్థాయి పరిశీలన

అనంతపురం: కేంద్రంలోని ఎన్డీఏ ప్రభుత్వం అమలు చేస్తున్న 'సూపర్ జీఎస్టీ - సూపర్ సేవింగ్స్' కార్యక్రమంలో భాగంగా, రాష్ట్ర ఆర్థిక శాఖ మంత్రి పయ్యావుల కేశవ్ గురువారం అనంతపురం నగరంలోని టవర్ క్లాక్ వద్ద గల శివశంకర్, రూప మెడికల్ షాపులను సందర్శించారు. ధరల తగ్గింపుపై క్షేత్రస్థాయిలో పరిశీలన చేసి, ప్రజలకు అవగాహన కల్పించారు.

ఈ కార్యక్రమంలో అనంతపురం ఎంపీ అంబికా లక్ష్మీనారాయణ, జిల్లా కలెక్టర్ ఓ. ఆనంద్ సహా ఇతర అధికారులు పాల్గొన్నారు.

మంత్రి పయ్యావుల కేశవ్ కీలక వ్యాఖ్యలు:

ఈ సందర్భంగా మంత్రి పయ్యావుల కేశవ్ మాట్లాడుతూ... ఎన్డీఏ ప్రభుత్వం చేపట్టిన ఈ కార్యక్రమంలో మంత్రులు, ఎంపీలు, ఎమ్మెల్యేలు, కలెక్టర్లు క్షేత్రస్థాయిలో పరిశీలన చేస్తున్నారని తెలిపారు.

ధరల తగ్గింపుతో లబ్ధి:

 * మెడికల్ రంగంపై దృష్టి: "నేడు ప్రధానంగా మెడికల్ సెక్టార్ థీమ్‌లో భాగంగా పలు మందుల దుకాణాలను తనిఖీ చేశాం. సామాన్యుల నుంచి మధ్య తరగతి వరకు అన్ని వస్తువుల మీద ధరలు తగ్గించాం" అని మంత్రి తెలిపారు.

 * ప్రతి ఒక్కరికీ లబ్ధి: 'సూపర్ జీఎస్టీ - సూపర్ సేవింగ్స్' కార్యక్రమం భారతదేశంలోని ప్రతి ఒక్కరికీ లబ్ధి చేకూరుస్తుందని పేర్కొన్నారు.

  నాణ్యమైన సేవలే లక్ష్యం: రాష్ట్ర ప్రజల సంక్షేమం కోసం ముఖ్యమంత్రి చంద్రబాబు నాయుడు ప్రభుత్వం కట్టుబడి ఉందని, ప్రజలకు మరింత మెరుగైన, నాణ్యమైన సేవలు అందించడానికి ప్రధాని నరేంద్ర మోదీ సహకారంతో కృషి చేస్తున్నామని తెలిపారు.

జిల్లా అభివృద్ధికి కూలీలా పనిచేస్తాం:

 "జిల్లా అభివృద్ధికి తాము కూలీలాగా పనిచేస్తాం" అని మంత్రి పయ్యావుల కేశవ్ ప్రకటించారు.

 *కేంద్రంలోని ఎన్డీఏ ప్రభుత్వం, రాష్ట్రంలోని కూటమి ప్రభుత్వం జీఎస్టీని పలు అంశాలపై తగ్గించి వినియోగదారులకు భారీగా ఊరట కల్పించే దిశలో కృషి చేస్తున్నాయని తెలిపారు. దీనిపై అవగాహన కల్పించడానికి నెల రోజుల పాటు ఈ బృహత్తర కార్యక్రమాన్ని రాష్ట్రంలో చేపడుతున్నామని చెప్పారు.

ముఖ్యమంత్రి చంద్రబాబు నాయుడు విజనరీ నాయకుడు:

  చంద్రబాబు నాయుడును విజనరీ నాయకుడుగా మంత్రి అభివర్ణించారు. "ప్రజలకు సేవ చేసే ఒక కూలీలా పని చేస్తున్న నిజమైన నాయకుడు మన ముఖ్యమంత్రి" అని కొనియాడారు.

  ప్రపంచం మొత్తం మన దేశం వైపు చూస్తోందని, ప్రజలకు ఏది అవసరమో, ఏది సమంజసమో వాటిని అమలు చేయడమే ఈ ప్రభుత్వ లక్ష్యమని స్పష్టం చేశారు.

ప్రభుత్వ కృషి:

 విశాఖ ఉక్కు పరిశ్రమను కాపాడుకోవడం, విశాఖ రైల్వే జోన్, జీఎస్టీ తగ్గింపు వంటి పలు కార్యక్రమాలను ఎన్డీఏ ప్రభుత్వం ప్రతిరోజు ప్రజలకు మేలు చేసే విధంగా అమలు చేస్తోందని తెలిపారు. "ఇవన్నీ చంద్రబాబు నాయుడు చొరవ వలన జరుగుతున్నాయి" అని పేర్కొన్నారు.

ఆర్డీటీ ఎఫ్‌సీఆర్‌ఏ పునరుద్ధరణపై:

 * జిల్లాలోని ఎన్జీవో ఆర్డీటీ (RDT) కి సంబంధించి ఎఫ్‌సీఆర్‌ఏ (FCRA) రిజిస్ట్రేషన్ పునరుద్ధరణపై ముఖ్యమంత్రి ఇప్పటికే రెండుసార్లు కేంద్ర హోంమంత్రి అమిత్ షాతో వ్యక్తిగతంగా మాట్లాడారని, త్వరలోనే ఒక సానుకూల వార్త వస్తుందని మంత్రి పయ్యావుల కేశవ్ ఆశాభావం వ్యక్తం చేశారు.

  మెడికల్ కాలేజీల అంశంపై మాట్లాడుతూ... పీపీపీ (PPP) మోడల్‌పై ప్రతిపక్ష నేత జగన్ అవగాహన రాహిత్యంతో మాట్లాడుతున్నారని మంత్రి విమర్శించారు.