వజ్రకరూరు, అనంతపురం జిల్లా: అనంతపురం జిల్లా వజ్రకరూరు మండల పరిధిలోని చాబాల గ్రామంలో వెలసిన శ్రీ చాబాల దర్గా వన్నూరు స్వామి దేవాలయం పునర్నిర్మాణ పనులకు ఆదివారం రోజున ₹1,11,116 (ఒక లక్ష పదకొండు వేల నూట పదహారు రూపాయలు) భారీ విరాళం అందింది.
బెంగుళూరులో నివసిస్తున్న మొపూరు శ్రీదేవి (బేబీ) మరియు విజయ్ ప్రసాద్ దంపతులు తమ వంతు సహాయంగా ఈ మొత్తాన్ని ఆలయ నిర్మాణ కమిటీకి వితరణ చేశారు.
ఆదివారం సాయంత్రం దాతలు ఈ విరాళాన్ని ఆలయ పునర్నిర్మాణ కమిటీ సభ్యులైన గొల్ల శ్రీనివాసులు, మైలారీ యాదవ సంఘం రాష్ట్ర కార్యదర్శి చల్లా అనంతయ్య, గొల్ల గోపాల్, గొల్ల నాగరాజు, గొల్ల మహేష్, గొల్ల, మైలారి, నారాయణప్ప శివలింగప్ప, ధనుంజయ్యలకు అందజేశారు.
ఈ కార్యక్రమంలో స్థానిక నాయకులు లింగమూర్తి, డబ్బాల సూరి చంద్రమౌళి, దాతల కుటుంబ సభ్యులు, గ్రామ పెద్దలు, గ్రామ ప్రజలు మరియు భక్తులు పెద్ద ఎత్తున పాల్గొన్నారు. దాతలైన మొపూరు శ్రీదేవి, విజయ్ ప్రసాద్ దంపతుల దాతృత్వాన్ని గ్రామ ప్రజలు, భక్తులు అభినందించారు.