ఉరవకొండ మహిళా కళాశాలనుమోడల్ కళాశాల గా తీర్చి దిద్దుతా.
ఉరవకొండ ట్రూ టైమ్స్ ఇండియా అక్టోబర్ 08
"జననీ జన్మభూమిశ్చ స్వర్గాదపి గరీయసీ" అనే ఆర్యోక్తికి అక్షరాలా నిలువెత్తు నిదర్శనం ప్రిన్సిపాల్ షాషావలి. ఆయన ఎక్కడ పనిచేసినా ఆ ప్రాంత రూపురేఖలను మార్చేయడం, అటు విద్యార్థులు, ఇటు తల్లిదండ్రుల మనసు దోచుకోవడంలో దిట్ట. ఉపాధ్యాయుడి స్థాయి నుంచి ప్రిన్సిపాల్గా అంచలంచెలుగా ఎదిగిన ఈ విద్యావేత్త, ఇప్పుడు ఉరవకొండలోని మహిళా కళాశాలకు కొత్త శోభ తీసుకొస్తున్నారు.
పచ్చని పాఠశాల నుంచి ఉన్నత శిఖరాలకు
ప్రిన్సిపాల్ షాషావలి కృషికి నిదర్శనం గతంలో ఆయన పనిచేసిన నెరిమెట్ల ఉన్నత పాఠశాల. అప్పట్లో కేవలం అప్పర్ ప్రైమరీగా ఉన్న ఆ పాఠశాలను ఉన్నత పాఠశాల స్థాయికి తీర్చిదిద్దడంలో ఆయన చూపిన పట్టుదల అభినందనీయం. ఆ పాఠశాలను పచ్చని పాఠశాలగా మార్చిన ఘన కీర్తి ఆయనకే దక్కుతుంది. తనలోని ఆ అభివృద్ధి కాంక్షను, సామాజిక స్పృహను ఇప్పుడు ఆయన ఉరవకొండ మహిళా కళాశాల అభివృద్ధికి వినియోగిస్తున్నారు.
విద్యార్థుల కష్టాలను గుర్తించి... రెండు గేట్ల ఏర్పాటు
ప్రస్తుతం ఆయన పనిచేస్తున్న మహిళా కళాశాల ఒక కీలకమైన సమస్యతో ఇబ్బంది పడుతోంది. విద్యార్థులు కళాశాలలోకి ప్రవేశించడానికి హైస్కూలు, బాలికల కళాశాల, బాలుర కళాశాలలన్నీ ఒకే మార్గాన్ని ఉపయోగించాల్సి రావడంతో ట్రాఫిక్ సమస్యలు, విద్యార్థుల ఇబ్బందులు వర్ణనాతీతంగా ఉండేవి.
విద్యార్థుల కష్టాలను గుర్తించిన వెంటనే షాషావలి దృష్టి అదనపు గేట్ల ఏర్పాటుపై పడింది. ఆలస్యం చేయకుండా, ఓ పూర్వ విద్యార్థి తల్లిదండ్రులను సంప్రదించారు. రోషన్ అనే విద్యార్థి తండ్రి, విడపనకల్ షైక్షావలి ఆర్థిక సాయంతో కళాశాలకు అవసరమైన రెండు కొత్త గేట్లను ఏర్పాటు చేసే పనులు యుద్ధప్రాతిపదికన చేపట్టారు.
వసతుల కల్పనలో తగ్గేదేలే!
కేవలం గేట్ల ఏర్పాటుతోనే ఆగకుండా, ఆయన కళాశాల అవసరాలను తీర్చడానికి దృఢ సంకల్పంతో ముందుకు సాగుతున్నారు.
* వేదిక నిర్మాణం: కళాశాల ఆవరణలో సాంస్కృతిక కార్యక్రమాలు, సభల కోసం ఒక స్టేజ్ నిర్మాణం అవసరమని భావించి, దాతల కోసం అన్వేషించారు. దాత నర్రా కేసన్న సహకారంతో స్టేజ్ పునాది పనులను చకచకా నిర్వహిస్తున్నారు.
* ప్రయోగశాలల సమస్యకు పరిష్కారం: మహిళా కళాశాలను వేధిస్తున్న మరో సమస్య గదుల కొరత. ముఖ్యంగా ప్రయోగశాలలకు గదులు లేకపోవడం పెద్ద ఇబ్బందిగా మారింది. దీనిని పరిష్కరించడానికి, ఆయన వెంటనే హైస్కూల్ హెడ్మాస్టర్ను ఆశ్రయించి, 4 గదులను తాత్కాలికంగా కేటాయించేలా చర్యలు తీసుకున్నారు. వేరు వేరు ప్రయోగశాలలకు ఈ గదులు వినియోగంలోకి రావడంతో విద్యార్థులు, వారి తల్లిదండ్రులు హర్షం వ్యక్తం చేశారు.
* మంచినీరు, భోజనశాల: విద్యార్థుల దాహార్తిని తీర్చడానికి ఆర్వో ప్లాంట్ను ఏర్పాటు చేయించారు. అంతేకాకుండా, సత్యసాయి ట్రస్ట్ సేవలను వినియోగించుకోవాలని భావించారు. విద్యార్థుల కోసం భోజనశాల ఏర్పాటు చేయడానికి వీలుగా వరండా నిర్మాణం చేయాలని ట్రస్ట్ సభ్యులను కోరారు. షాషావలి సామాజిక స్పృహకు స్పందించిన ట్రస్ట్ సభ్యులు, వరండా ఏర్పాటుకు గ్రీన్ సిగ్నల్ ఇచ్చారు.
మోడల్ కళాశాల దిశగా...
ప్రస్తుతం శాశ్వత గదుల నిర్మాణం కోసం ఆర్డీటీ (RDT) వంటి సంస్థల సహాయం తీసుకోవాలని ప్రయత్నిస్తున్నప్పటికీ, కొన్ని సాంకేతిక కారణాల వల్ల జాప్యం జరుగుతోంది. అయినప్పటికీ, ఉరవకొండ వాసుల్లో అభివృద్ధి కామకోడుగా, సామాజిక స్పృహ కలిగిన విద్యావేత్తగా ప్రిన్సిపాల్ షాషావలికి మంచి పేరుంది.
ఆయన ధీమాగా చెబుతున్న మాట: "తగ్గేదేలే" అన్న చందంగా, ఈ మహిళా కళాశాలను మోడల్ కళాశాలగా తీర్చిదిద్దడమే తమ ఏకైక లక్ష్యమని! షాషావలి సంకల్పం ఇలాగే కొనసాగితే, ఉరవకొండ మహిళా కళాశాల భవిష్యత్తులో అత్యుత్తమ విద్యా సంస్థగా వెలుగొందుతుందనడంలో సందేహం లేదు.