బొమ్మనహల్ లో విషాదం: మాజీ ఎంపీ వాహనం ఢీకొని 9 గొర్రెలు మృతి, 15 గొర్రెలకు తీవ్ర గాయాలు

బొమ్మనహల్: మండల పరిధిలోని నేమకల్లు గ్రామ సమీపంలో శనివారం చోటుచేసుకున్న రోడ్డు ప్రమాదంలో భారీగా మూగజీవాలు మృత్యువాత పడ్డాయి. గొర్రెల మందపైకి వాహనం దూసుకెళ్లడంతో 9 గొర్రెలు అక్కడికక్కడే మృతి చెందగా, మరో 15 గొర్రెలకు తీవ్ర గాయాలయ్యాయి.

వివరాల్లోకి వెళితే: ప్రమాదం జరిగిన తీరు: నేమకల్లు గ్రామ శివారులో గొర్రెల కాపరి గోవిందప్ప తన జీవాలను మేపుతుండగా ఈ దుర్ఘటన జరిగింది. అకస్మాత్తుగా వచ్చిన ఓ వాహనం అదుపుతప్పి గొర్రెల మందను ఢీకొట్టింది.

కాపరి ఆవేదన: కళ్ల ముందే తాను బిడ్డల్లా సాకుతున్న జీవాలు ప్రాణాలు కోల్పోవడంతో గొర్రెల కాపరిగోవిందప్ప కన్నీరుమున్నీరయ్యాడు. ఈ ప్రమాదం వల్ల తనకు తీవ్ర ఆర్థిక నష్టం వాటిల్లిందని ఆవేదన వ్యక్తం చేశారు.

అధికారుల పరామర్శ: ప్రమాద విషయం తెలుసుకున్న స్థానిక అధికారులు మరియు గ్రామ పెద్దలు వెంటనే ఘటనా స్థలానికి చేరుకున్నారు. పరిస్థితిని సమీక్షించి, వివరాలు అడిగి తెలుసుకున్నారు. బాధితుడిగోవిందప్ప కి న్యాయం జరిగేలా చూస్తామని, ప్రభుత్వ పరంగా తగిన సాయం అందేలా కృషి చేస్తామని వారు హామీ ఇచ్చారు.

ఈ ఘటనతో స్థానికంగా విషాద ఛాయలు అలుముకున్నాయి. పోలీసులు కేసు నమోదు చేసుకుని దర్యాప్తు చేస్తున్నారు.