ఉరవకొండ మండల ఆమిద్యాల గ్రామంలో శుక్రవారం విద్యుత్ కాంతుల వెలుగులో కడ్లే గౌరమ్మ వేడుకలు ఘనంగా నిర్వహించారు. పలు వీధుల నుంచి మేళ తాళాలతో కడ్లే గౌరమ్మకు హారతులు ఇచ్చి మొక్కబడును తీర్చుకున్నారు. సాయంత్రం పలు వీధుల్లో మహిళలు హారతులతో గ్రామం కిటకిటలాడింది. ఈ సందర్భంగా కడ్లే గౌరమ్మ విగ్రహానికి వివిధ పుష్పాలతో, వివిధ చీరలతో ఆభరణాలతో సుందరంగా అలంకరించారు. చుట్టుపక్కల గ్రామాలకు చెందిన భక్తులు తరలివచ్చి పూజల అభిషేకాలు చేసి మొక్కుబడులు తీర్చుకున్నారు.
