అనంతపురం, జనవరి 22:
చారిత్రక నేపథ్యం ఉన్న అనంతపురం ప్రభుత్వ డిగ్రీ కళాశాల (ఆర్ట్స్ కాలేజ్)లో నెలకొన్న పరిపాలనా సమస్యలను పరిష్కరించాలని కోరుతూ అఖిల భారత విద్యార్థి సంఘం (AISA) నాయకులు గురువారం ఆంధ్రప్రదేశ్ కళాశాల విద్యాశాఖ కమిషనర్ నారాయణ భరత్ గుప్తా గారిని కలిసి వినతి పత్రం అందజేశారు.
డిమాండ్లు మరియు సమస్యలు:
బోధనేతర సిబ్బంది పెంపు: కళాశాలలో విద్యార్థుల సంఖ్యకు అనుగుణంగా జూనియర్ అసిస్టెంట్ మరియు సీనియర్ అసిస్టెంట్ పోస్టులను వెంటనే పెంచాలని ‘ఐసా’ నాయకులు కోరారు.
స్తంభించిన పాలన: సిబ్బంది కొరత వల్ల విద్యార్థుల సర్టిఫికెట్లు, స్కాలర్షిప్ దరఖాస్తులు, పరీక్షల పత్రాలు మరియు అధ్యాపకుల సేవా దస్త్రాల ప్రాసెసింగ్లో తీవ్ర జాప్యం జరుగుతోందని వారు కమిషనర్ దృష్టికి తీసుకెళ్లారు. ఉన్న కొద్దిమంది ఉద్యోగులపై పనిభారం పెరిగి పనులు సక్రమంగా సాగడం లేదని తెలిపారు.
అడ్మినిస్ట్రేషన్ ఆఫీసర్ (AO) మార్పు: కళాశాలలో ఒకే వ్యక్తి సుదీర్ఘ కాలంగా అడ్మినిస్ట్రేషన్ ఆఫీసర్గా కొనసాగుతున్నారని, దీనివల్ల పారదర్శకత లోపించడమే కాకుండా నిర్ణయాల తీసుకోవడంలో జాప్యం జరుగుతోందని నాయకులు ఆరోపించారు. ఆరోగ్యకరమైన పరిపాలన కోసం ప్రస్తుత అధికారిని మార్చి, కొత్త వారిని నియమించాలని డిమాండ్ చేశారు.
ఈ కార్యక్రమంలో ‘ఐసా’ జాతీయ కార్యవర్గ సభ్యులు వేమన, రాష్ట్ర సహాయ కార్యదర్శి భీమేష్ తదితరులు పాల్గొని కమిషనర్కు సమస్యలను వివరించారు. దీనిపై స్పందించిన కమిషనర్, సమస్యల పరిష్కారానికి సానుకూలంగా స్పందించినట్లు నాయకులు తెలిపారు.